| 好耐都冇去台灣, 上一次係跟團去, 今次係自由行, 感覺真的很不同
跟團既話, 我唔會知道原來台灣一條街可以成條彌敦道咁長
跟團既話, 我唔會知道台灣既捷運得咁少出口 (要行n 條街先有捷運)
跟團既話, 我唔會知道原來係台灣過馬路係咁危險 (綠燈既時時候仍然有車拐彎衝埋泥)
仲有好多好多發現, 去旅行, 都係自由行好~ Day 1 桃園機場>陽明山溫泉 (改江記華隆商行)>淡水真理大學＞漁人碼頭>淡水老街＞美麗華摩天輪>士林夜市 去到機場, eric唔見左身分證, 差d 就冇得上機, 嚇死
呢個trip 本身已經一波幾廿折, 如果好似日本咁去唔成就真係頹
好彩最後用副本都ok 姐... HALO TAIPEI we are coming!!!! 係酒店放低行李, 就準備出發去我地既第一站- 江記華隆商行
原本應該係去浸溫泉的, 但因為我同kathy 太想試江記華隆商行, 又唔夠時間, 我地唯有cut 左溫泉
我地搭捷運去到民權西路, 問下路先知原來應該係雙連落車, 即時頹左, 唯有打的去
去到江記華隆商行, 員工用好流利既廣東話招呼我地, 我真係估唔到係d 咁既老街都有人識廣東話
試下食d 豬肉紙, 好奇怪, 原味竟然比杏仁味同櫻花味既厚
雖然豬肉紙並冇阿蘇講既咁掂一掂嘴邊就碎到一地係, 但都唔錯
結果我地買左幾包走
第二站係淡水真理大學, 即係不能說的秘密既拍攝場地
去到真理大學, 我地四個人不斷周圍望, 不斷係度羨慕人地間大學又大又靚又宏偉, 反觀我地... 間直係一個 shopping mall =_=
跟住我地再搭公車去漁人碼頭
對漁人碼頭我實在係冇咩感想, 因為天氣既關係我地睇唔到日落, 同一班朋友一齊走過情人橋亦唔會點覺得浪漫
 下一站淡水老街, 我地既主要 target 係阿婆鐵蛋,但當然會食下佢d 小食啦
其實去真理之前, eric 已經買左個培根蔥抓餅, 我地試左啖, 超好食
我地再去試巧克力霜淇淋同燒魷魚... 燒魷魚真係超香, 個味同韓式既完全唔同, 霜淇淋就差d, 冇咩味, 但超冰
 香噴噴既烤魷魚
 同場加"影" - 五層高 starbucks!!!
阿婆鐵蛋加重左我地既負荷, 本身行到隻狗咁累既我地決定先番酒店擺低戰利品再去士林食遲來的晚餐 打的去到士林, 已經好夜, 好多檔都收左
不過我地仲有超大塊既豪大大雞排, 蚵仔煎, 青蛙下蛋, 免剝殼蝦....
  食完我地去左玩攤位遊戲
玩左汽槍, 拋圈圈, 扔波同吊水球, 最後抱左隻綿綿兔番酒店
呵呵呵, 超蠢呀佢個樣, 我地係的士發現, 佢係左右唔對稱架!!! 左手比加手實淨, 左眼又比加眼高, 好搞笑
 超勁呀alison, 吊左好多水球上泥, 我吊到2 個咋 >< to be cont'... |
